Անակնկալ չէր․ Էդմոն Մարուքյանը պարզաբանում է՝ ինչու մերժվեց իր ներկայացրած նախագիծը

ԱԺ պետաիրավական հանձնաժողովի նիստի օրակարգում քննարկվող երեք հարցերից մեկը «Լուսավոր Հայաստան» կուսակցության՝ ՀՀ քրեական օրենսգրքում լրացում կատարելու մասին օրենքի նախագիծն է։

Հիշեցնենք, որ նախագիծը ներկայացրեց խմբակցության ղեկավար Էդմոն Մարուքյանը: Առաջարկվում է Էրեբունի-Երևանի հիմնադրման 2800-ամյակի և ՀՀ առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին 2018թ․-ի նոյեմբերի 1-ից մինչև դատարանի վճռի օրինական ուժի մեջ մտնելը, կալանքի տակ պահման ժամկետը հաշվարկել ազատազրկման կամ կարգապահական գումարտակում պահելուց հետո նշանակված պատժի 1 օրը 1.5 օրով, հաշվարկը կատարել 2004թ․-ի հունիսի 9-ից:

Նախնական կալանքի 1 օրը 1.5 հետադարձ ուժով հաշվարկելու նախագիծը քննարկումից հետո մերժվեց Պետաիրավական հարցերի մշտական հանձնաժողովում։

«Առաջին լրատվական»-ի տեսանյութում ԼՀԿ ղեկավար Էդմոն Մարուքյանը պարզաբանում է մերժման հիմքերը, ինչն իր համար սպասելի էր։