Հայաստան

Խնայենք ջուրը, ավելացնենք բերքատվությունը. գյուղնանարարությունը ոռոգման նոր ծրագրի մասին է հայտարարում

Պետությունն առաջարկում է օժանդակության երկու տարբերակ՝ ձեռք բերել աննախադեպ մատչելի տոկոսադրույքներով սուբսիդավորվող վարկ կամ օգտվել ծախսերի  մասնակի փոխհատուցման հնարավորությունից։ Այս մասին ասված է գյուղնախարարության տարածած հաղորդագրության մեջ:

«Խնայենք ջուրը, ավելացնենք բերքատվությունը, երաշխավորված ոռոգում ապահովենք, նվազեցնենք ծախսերը` կաթիլային և անձրևացման ոռոգման համակարգերի շնորհիվ:

Պետությունն առաջարկում է օժանդակության երկու տարբերակ՝ ձեռք բերել աննախադեպ մատչելի տոկոսադրույքներով սուբսիդավորվող վարկ կամ օգտվել ծախսերի  մասնակի փոխհատուցման հնարավորությունից։

Պետական սուբսիդավորման արդյունքում վարկը Ձեզ կտրամադրվի ընդամենը 2% տոկոսադրույքով, 3 տարի մարման ժամկետով։

Ավելին, սահմանամերձ համայնքներում, գերնորմատիվային ջրապահանջարկ ունեցող կամ առնվազն 3 հա հողատարածք ունեցող  գյուղատնտեսական  կոոպերատիվներին  վարկը կտրամադրվի 0%-ով։

Եթե ընտրեք երկրորդ տարբերակը, պետությունը կփոխհատուցի ոռոգման արդիական համակարգերի ներդրման ծախսերի 16, իսկ սահմանամերձ համայնքներում, գերնորմատիվային ջրապահանջարկ ունեցող կամ առնվազն 3 հա հողատարածք ունեցող  գյուղատնտեսական  կոոպերատիվների դեպքում՝ 18%-ը», - ասված է հայտարարության մեջ։

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *