Բաքուն պատասխանատվություն չի կրում լրագրողների անվտանգության համար. Լրագրողական կազմակերպությունների հայտարարությունը

ՀԱՅՏԱՐԱՐՈՒԹՅՈՒՆ

4 հոկտեմբերի, 2020թ․, Երևան

Վերջին օրերին Լեռնային Ղարաբաղում ահագնացել են պատերազմական գործողությունները։ Դրա հետ կապված ծայրահեղ բարդացել է հակամարտությունը լուսաբանող հայ և օտարերկրյա լրագրողների աշխատանքը։ Ինտենսիվ հրթիռակոծության ենթարկելով խաղաղ բնակավայրերը, այդ թվում՝ մայրաքաղաք Ստեփանակերտը, Ադրբեջանը կոպտորեն խախտում է Ժնևյան կոնվենցիայով նախատեսված հումանիտար նորմերը։ Կրակի թիրախ են դառնում ոչ միայն քաղաքների ու գյուղերի բնակիչները, այլ նաև այդտեղ իրենց մասնագիտական պարտականությունները կատարող ԶԼՄ-ների ներկայացուցիչները։

Այդ մարդատյաց գործողությունների հետևանքով հոկտեմբերի 1-ին վիրավորվել են երկու արտասահմանցի և երկու հայ լրագրողներ, ինչի կապակցությամբ մենք արդեն արտահայտել ենք մեր վրդովմունքը։ Հաջորդ օրը ադրբեջանական անօդաչու թռչող սարքի հետապնդումից հրաշքով են փրկվել ավտոբուսով տեղափոխվող մի խումբ լրագրողներ։ Այսօր էլ Ստեփանակերտում գրանցվել են լրագրողների կյանքին և առողջությանը սպառնացող դեպքեր:

ԶԼՄ-ների ներկայացուցիչներին թիրախավորելու փաստերը հոկտեմբերի 2-ին տարօրինակ կերպով փորձեց հիմնավորել Ադրբեջանի նախագահի օգնական Հիկմետ Հաջիևը։ Ըստ նրա՝ արտասահմանցի բոլոր լրագրողներն ապօրինի են գտնվում Լեռնային Ղարաբաղում, քանի որ թույլտվություն չեն ստացել ադրբեջանական կառավարությունից, հետևաբար Բաքուն պատասխանատվություն չի կրում նրանց անվտանգության համար։

Սա ոչ այլ ինչ է, քան լրագրողներին հասցեագրված անուղղակի սպառնալիք, որն իրականում ուղղորդվում է նրանց նկատմամբ կիրառվող մարտական գործողություններով։ Փաստորեն Ադրբեջանը, փոքր բացառությամբ, չի հավատարմագրում հակամարտությունը լուսաբանել ցանկացող օտարերկրյա լրատվամիջոցների ներկայացուցիչներին և ամեն կերպ փորձում է խոչընդոտել նրանց աշխատանքը հայկական կողմում՝ կյանքի ու առողջության համար սպառնալիքներ ստեղծելով։ Սրանով խախտվում է նաև ռազմական դրության պայմաններում տեղեկատվություն ստանալու հանրության իրավունքը։

Հաշվի առնելով այս իրավիճակը, մենք՝ ներքոստորագրյալ կազմակերպություններս, միջազգային կառույցների և արտասահմանցի մեր բոլոր գործընկերների ուշադրությունն ենք հրավիրում Ադրբեջանի կողմից լրագրողների դեմ ուղղված ոտնձգությունների վրա և կոչ ենք անում բողոքի ձայն բարձրացնել և գործնական քայլեր ձեռնարկել այդ գործողություններին հակազդելու համար։

ԽՈՍՔԻ ԱԶԱՏՈՒԹՅԱՆ ՊԱՇՏՊԱՆՈՒԹՅԱՆ ԿՈՄԻՏԵ

ԵՐԵՎԱՆԻ ՄԱՄՈՒԼԻ ԱԿՈՒՄԲ

ՄԵԴԻԱ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ

ԼՐԱԳՐՈՂՆԵՐԻ «ԱՍՊԱՐԵԶ» ԱԿՈՒՄԲ

ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ

ԲԱԶՄԱԿՈՂՄԱՆԻ ՏԵՂԵԿԱՏՎՈՒԹՅԱՆ ԻՆՍՏԻՏՈՒՏ – ՀԱՅԱՍՏԱՆ

ՀԱՆՐԱՅԻՆ ԼՐԱԳՐՈՒԹՅԱՆ ԱԿՈՒՄԲ

«ԼՐԱԳՐՈՂՆԵՐ ՀԱՆՈՒՆ ԱՊԱԳԱՅԻ» ՀԿ

«ԼՐԱԳՐՈՂՆԵՐ ՀԱՆՈՒՆ ՄԱՐԴՈՒ ԻՐԱՎՈՒՆՔՆԵՐԻ» ՀԿ

ԳՈՐԻՍԻ ՄԱՄՈՒԼԻ ԱԿՈՒՄԲ

STATEMENT

October 1, 2020, Yerevan

Today, on October 1st, 2020 Armenian and foreign journalists located in the town of Martuni, in Artsakh, suffered as a result of artillery fire from Azerbaijan. More specifically, representatives of “Le Monde” newspaper, correspondent Allan Kaval and photojournalist Rafael Charles Yaghobzadeh, cameraman of “Armenia” television company Aram Grigorian and correspondent of online news portal “24news.am” Sevak Vardumian were injured. Deputy editor-in-chief of the Russian “Dozhd” TV channel Dmitry Yelovsky also came under Azerbaijani fire, but he was able to take cover in a bomb shelter along with other journalists.

According to official information, Azerbaijani troops opened fire on the vehicle carrying representatives of Agence France-Presse (AFP) news agency.

It is worth noting, that the journalists suffered in a region, which is quite far from the line of contact between the conflicting sides. This is yet another proof that the attacks of the Azerbaijani military are also directed against the civilian population. This fact, as well as firing on journalists is a gross violation of the Geneva Convention.

Given the above-mentioned circumstances, we, the undersigned media organizations, are calling on:

·       The International Community to resolutely condemn the war unleashed by Azerbaijan and demand from the official Baku to stop attacks on civilians and media representatives performing their professional duty;

·       Governments of Armenia and Artsakh to take additional steps to ensure the safety of journalists.

COMMITTEE TO PROTECT FREEDOM OF EXPRESSION

YEREVAN PRESS CLUB

MEDIA INITIATIVES CENTER

JOURNALISTS’ CLUB “ASPAREZ”

FREEDOM OF INFORMATION CENTER

MEDIA DIVERSITY INSTITUTE – ARMENIA

PUBLIC JOURNALISM CLUB

“JOURNALISTS FOR THE FUTURE” NGO

“JOURNALISTS FOR HUMAN RIGHTS” NGO

GORIS PRESS CLUB