Միջազգային

Գիտնականների պնդմամբ՝մարդիկ կարող են վարակվել վիրուսային մասնիկներով, երբ շնչում են վիրուս պարունակող օդը.Ամերիկայի Ձայն

Ամերիկայի Ձայնի տեղեկացմամբ՝ Առողջապահության համաշխարհային կազմակերպությունը (ԱՀԿ) երեքշաբթի օրն ընդունել է կորոնավիրուսի՝ օդային միջոցով տարածման վերաբերյալ հավելյալ փաստեր

Դրանից առաջ մի խումբ գիտնականներ համաշխարհային առողջապահական մարմնին կոչ են արել թարմացնել իր ուղեցույցները՝ հիվանդության տարածման վերաբերյալ:

ԱՀԿ-ը նախկինում ասել էր, որ COVID-19 շնչառական ուղիներով տարածում է վիրուսը հիմնականում վարակված մարդու քթից և բերանից արտադրված փոքրիկ կաթիլների միջոցով: Բայց երկուշաբթի օրը «Կլինիկական ինֆեկցիոն հիվանդություններ» ամսագրում հրապարակված բաց նամակում 32 երկրների 239 գիտնականներ հայտնել են, որ վիրուսային մասնիկները կարող են վարակել մարդկանց, երբ նրանք շնչում են վիրուս պարունակող օդը: Գիտնականները հորդորում են, որ ԱՀԿ-ը թարմացնի իր ուղեցույցները:

Ելույթ ունենալով Ժնևում երեքշաբթի օրը կայացած ճեպազրույցում ՝ ԱՀԿ վարակի կանխարգելման և վերահսկման ոլորտի ղեկավար Բենեդետա Ալեգրանզին ասաց, որ նախկինում առկա էին կորոնավիրուսի օդային փոխանցման վերաբերյալ ապացույցներ, որոնք սակայն կարիք ունեին ավելի շատ հստակեցման:

ԱՀԿ-ի ցանկացած փոփոխություն կարող է ազդել սոցիալական հեռավորության գործոնի և սահմանված հեռավորության ուղեցույցների վրա: Այն այսօր կազմում է 1 մետր (3.3 ոտնաչափ): Կառավարությունները, որոնք ապավինում են կառույցի խորհուրդներին իրենց քաղաքականությունը մշակելիս, կարող է ստիպված լինեն ևս վերանայել հանրային առողջապահական իրենց միջոցառումները, որոնք ուղղված են վիրուսի տարածման կանխարգելմանը:

ԱՀԿ ասում է, որ կառույցը առաջիկա օրերին կհրապարակի տեղեկություն, որը կամփոփի վիրուսի փոխանցման ռեժիմների վերաբերյալ ուղեցույցները: Այն կներառի ոչ միայն սոցիալական հեռավորության, այլ նաև այլ դրույթներ ներառյալ դիմակների կրումը:

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *