Իրանն ու Հայաստանը պայմանավորվել են ավելացնել բեռների տարանցումը երկու երկրների տարածքով՝ տրանսպորտային միջանցքի ակտիվացման շրջանակներում, որը՝ շրջանցելով Ադրբեջանը, հայկական տարածքով կանցնի Եվրոպա, հաղորդում է Press TV-ն։
Իրանի տրանսպորտի և քաղաքաշինության նախարար Ռոստամ Քասեմին երկուշաբթի օրը հայտարարել է, որ «լավ պայմանավորվածություններ» է ձեռք բերել Հայաստանի տարածքային կառավարման և ենթակառուցվածքների նախարար Գնել Սանոսյանի հետ նույն օրը Թեհրանում կայացած հանդիպման ժամանակ։
Նա ասել է, որ համաձայնագրերը կհանգեցնեն երկու երկրների միջև տարանցիկ փոխգործակցության ընդլայնման՝ հավելելով, որ Հայաստանը համաձայնել է թուլացնել իրանական բեռնատարների քանակի սահմանափակումները երկրի տարածքով:
«Հայաստանի հետ ճանապարհային տրանզիտը (ծավալը) նշանակալի չէ, բայց մենք հույս ունենք, որ այն կավելացնենք այսօր ձեռք բերված պայմանավորվածությունների հիման վրա», — հանդիպումից հետո լրագրողներին ասել է Քասեմին։
Սանոսյանը երկուշաբթի Քասեմիի հետ հանդիպումից հետո իրանցի լրագրողներին ասել էր, որ Հայաստանը նախատեսում է հեշտացնել իրանական բեռնատարների տեղաշարժը երկրի ճանապարհներով։
Նա խոստացել է, որ իրանցի վարորդներն ավելի կարճ և անվտանգ ճանապարհորդություն կունենան հայկական նոր տարանցիկ ճանապարհով, որը, ըստ նրա, պատրաստ կլինի մոտ ապագայում։
0 Մեկնաբանություն