"Լոռի" հեռուստաընկերության գլխավոր խմբագիր Նարինե Ավետիսյանն իր ֆեյսբուքյան էջում գրում է.
Ո՜նց կարող եմ լավ գործի մասին չգրել, ես հո բայղուշ չե՞մ:
Ուրեմն, հիմնովին կառուցվում են.
Իսահակյան /մեր փողոցը/, Գարեգին Նժդեհի, Հրաչյա Ներսիսյան, Հենրիկ Զաքարյան փողոցները, ինչպես նաև Գուգարք, Շահումյան, Դարպաս բնակավայրերում մի քանի փողոցներ, տիկնիկայինի շենք, աթլետիկայի մարզադպրոց, ո՞ր մեկն ասեմ, այ ժողովուրդ: Մեկնաբանության մեջ Հովսեփյան էդիկի ստատուսը կդնեմ: Հա, մանկապարտեզների շենքերի կառուցում: Բյուջեի եկամուտների ավելացում /էս երևի կոռուպցիայի նվազման թեմաներով.../ , մի խոսքով, համայնքս ուզում է զարգանալ, մնում է, որ մենք, բոլորս ցանկանանք՝ առանց քաղաքականության:
Մասնավորապես, Մամիկոն Ասլանյան դաշինքի և Հայրենիք կուսակցության ավագանու անդամներ, էն որ ընտրություներին ասում էիք՝ կուսակցությունը կապ չունի, մենք քաղաքականություն ենք մտել մեր քաղաքին ծառայելու համար, մենք գժվում ենք էս քաղաքի համար... Հիմա եկել է պահը, որպեսզի ձեր սերն առ Վանաձոր՝ ապացուցեք, մասնակցելով և քվորում ապահովելով ավագանու նիստին: Եթե դուք դա չանեք՝ քաղաքի զարգացման ծրագրերը չեն իրականանա, իսկ վանաձորցին միամիտ չի, լավ էլ կհասկանա՝ ինչն-ինչոց է:
Արդ՝ լծվենք բոլորովս էս քաղաքը խելքի բերելու գործին, իսկ դուք, ընդդիմադիրներ ջան, առավել պարտավոր եք, որովհետև, 6 ամսում չի, որ քաղաքը էս օրին է հասել, տարիներ շարունակ այն միայն կեղեքվել է...
Վանաձորը սիրող մարդիկ, այնպես արեք, որ քաղաքն էլ ձեզ սիրի:
Բոլորիդ շատ սիրում եմ, շատ ուրախ եմ էս գժական ծրագրերի համար:
0 Մեկնաբանություն