Լոռու մարզպետարանի մեզ մոտ կանգնած աղբյուրները տեղեկացնում են, որ վերջին մեկ շաբաթվա ընթացքում ԱԺ «Իմ Քայլը» խմբակցության Լոռու մարզից վարկանիշային ընտրակարգով ընտրված պատգամավոր Արամ Խաչատրյանը պատգամավորական մի քանի գրություններով դիմել է Լոռու մարզպետ Անդրեյ Ղուկասյանին: Բանն այն է, որ ըստ մեր աղբյուրների, Ա. Խաչատրյանը կասկածի տակ է առել մարզպետի կողմից պետական միջոցների նպատակային օգտագործումը, մասնավորապես՝ վառելիքի ծախսը, դպրոցական խորհուրդների անդամների նոր կազմը, Վանաձորի քաղաքապետարանի կողմից «Քաղաքացու Օր» միջոցառման ծախսերի վերահսկողությունը:
Ուշագրավ է այն փաստը, որ ՔՊ-ական մարզպետին կասկածում է թիմակիցը, ավելին՝ համաքաղաքացին և պայքարի ընկերը:
Մենք փորձեցինք կապ հաստատել Արամ Խաչատրյանի հետ, սակայն վերջինս սկզբում խոստացավ քիչ հետո հետ զանգահարել, որից հետո՝ մեր զանգերին չպատասխանեց:
Հուսով ենք, որ այս հրապարկման արդյունքում պատգամավոր Ա. Խաչատրյանը արդեն հրապարակային կասի, թե ի՞նչ կոռուպցիոն ռիսկեր է նկատել մարզպետի գործունեության մեջ, իսկ մարզպետ Ղուկասյանն էլ հերթական անգամ «ապատեղեկատվություն» չի որակի մեր հրապարակումը:
0 Մեկնաբանություն