Մարզ

ԵՍ ԻՆՉԻ ՈՐ ՀԱՍԵԼ ԵՄ, ՀԱՍԵԼ ԵՄ ԱՅՍ ԹԱՏՐՈՆՈՒՄ, ԱՅՍ ՀԱՆԴԻՍԱՏԵՍԻ ՇՆՈՐՀԻՎ… ՀԱԿՈԲ ԱԶԻԶՅԱՆ

«Ռեգիոն» ՀԶԿ «Օկտավայի» ծրագրի հանդիպումները հայտնի արվեստագետների հետ ամփոփվեց ճանաչված դերասան, ռեժիսոր, ՀՀ ժողովրդական արտիստ Հակոբ Ազիզյանի հետ:


Թատրոնը սինթետիկ արվեստի տեսակ է, արվեստի բոլոր տեսակները խառնվում են այս մասնագիտությամ մեջ և այդ բնագավառի ծառայողները՝ դերասանները պետք արվեստի բոլոր ճյուղերին եթե ոչ կատարյալ տերապետեն, ապա շատ լավ հասկանան և օգտվեն: Դա դարձնում է կերպարը բազմազան և նպաստում է, որ թատերական արվեստում ներկայացումը ավելի տպավորիչ ընկալվի հանդիսատեսի կողմից: Ցանկացած ներկայացում եթե չունենա երաժշտական ձևավորում, եթե հագեցած չլինի երաժշտական անցումներով, անգամ վոկալ կատարումներով՝ այս դեպքում կերպարային՝ նման ներկայացումները տխուր և անհետաքրքիր են: Ճիշտ, պրոֆեսիոնալ մասնագետը պետք է արվեստի բոլոր ճյուղերին կարողանալ եթե ոչ կատարյալ տիրապետել, ապա գոնե հասկանալ և օգտվել դրքանցից:

-88- աղետից հետո, պատերազմական շրջանում, ցուրտ ու մութ տարիներին մեր թատրոնից շատերը հեռացան տարբեր երկրներ, մի մասն էլ Սունդուկյան, մեր լավագույն դերասան-դերասանուհիները գնացին ու մեր թատրոնը մնաց խղճուկ վիճակում, հանդստատես չէր գալիս թատրոն, դժվար էր այդ ժամանակ նեկայացումներ կազմակերպել իսկ այդ ժամանակ թատրոնի պատասխանատվությունը ինձ վրա էր, որպես տնօրեն և մի ընթացք էլ՝ գեղարվեստական ղեկավար: Եվ երբ գնում էին մեր մոտից Սունդուկյան՝ առաջինն է ինձ ասել Վահե Շահվերդյանը՝ ես գնում եմ, դու գալու ես, թե՞ ոչ, ես ասացի՝ ոչ, զարմացավ, ինչո՞ւ, ասացի՝ ես ինչի որ հասել եմ, հասել եմ այս թատրոնում, այս հանդիսատեսի շնորհիվ և ես չեմ կարող լքել այս թատրոնը (հուզվում է… ծափեր)…

Հակոբ Ազիզյանը խոսեց կինոյի և թատրոնի պետական ինստիտուտի Վանաձորի մասնաճյուղի ստեղծումից, իր անցած ուղու, սիրելի դերերի ու խաղընկերների մասին:

Մանրամասները՝ տեսանյութում:

«Օկտավա» ծրագիրն է իրականացվում է համայնքերի զարգացման «Ռեգիոն» կենտրոնի կողմից՝ ՀՀ կրթության, գիտության, մշակույթի և սպորտի նախարարության աջակցությամբ:

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *