"Լուսավոր Հայաստան" կուսակցության ֆեյսբուքյան էջում կարդում ենք՝
Վանաձոր համայնքի ավագանու «Լուսավոր Հայաստան» խմբակցության մասնակությամբ ավագանին շուրջ 1300 հաստիքի համար սահմանել է նոր դրույքաչափեր՝ միջինը 20 տոկոսով բարձրացնելով նվազագույն աշխատավարձի շեմը Վանաձորի համայնքապետարանի աշխատակազմի և ենթակայության տակ գտնվող հիմնարկների աշխատակիցների համար։
Օրակարգում ընդգրկված նախագծերից մեկի վերաբերյալ ավագանու անդամները հանդես են եկել կոշտ հայտարարություններով՝ համայնքապետարանի աշխատակիցներին հիշեցնելով ավագանու ինստիտուտի դերի և կարևորության մասին, ինչին հաջորդել է նիստին ներկա ավագանու անդամների մեծամասնության «դեմ» քվեարկությամբ հարցի տապալումը։
Խմբակցության ավագանիները ներկայացրել են իրենց կողմից կատարված համայնքային մանկապարտեզների հաստիքացուցակների ուսումնասիրության և վերլուծության արդյունքները։ Թեմայի շուրջ տեղի է ունեցել թեժ քննարկում, որի ավարտին որոշվել է աշխատանքային խումբ ձևավորել և համայնքապետարանի համապատասխան բաժնի պետի հետ, առավել խորքային ուսումնասիրություն կատարելով, բացահայտված խնդիրները բերել կարգավորման դաշտ։
Որոշումներից մեկով ավագանին հաստատել է նաև Վանաձոր համայնքի տարվա 10 լավագույն մարզիկների ընտրության, մարզիկներին և մարզիչներին սպորտային նպաստ նշանակելու կարգը: Ավելացվել է այդ մարզիկների և նրանց մարզիչների սպորտային նպաստի չափը:
0 Մեկնաբանություն