ՀՀ Աժ-ն 1-ին ընթերցմամբ ընդունեց «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» Հայաստանի Հանրապետության օրենքում լրացումներ և փոփոխություններ կատարելու մասին օրինագիծը, որով նախատեսվում է բարձրացնել Զինծառայողների ապահովագրության հիմնադրամին կատարվող վճարումների դրույքաչափերը: Օրենքի նախագիծն 1-ին ընթերցմամբ ընդունվել է միաձայն` 90 «կողմ» ձայներով:
ՀՀ Արդարադատության նախարար Ռուստամ Բադասյանը նշել է, որ նախագծով փոխվել է հավաքագրվող դրոշմանիշային վճարների դրույքաչափերը և որդեգրվել կիսապրոգրեսիվ համակարգ: Այժմ համապատասխան եկամտի չափին համապատասխանելու է որոշակի ֆիքսված գումար, որը վճարվելու է հատուցման հիմնադրամին:
Օրենքի նախագծի ընդունման դեպքում` ֆիզիկական անձինք դրոշմանիշային վճարը վճարում են հետևյալ դրույքաչափով.
Մինչև 100 000 դրամ հաշվարկման բազայի դեպքում՝ 1500 դրամ
100 001- 200 000 դրամ հաշվարկման բազայի դեպքում՝ 3000 դրամ
200 001- 500 000 դրամ հաշվարկման բազայի դեպքում՝ 5500 դրամ
500 001-1 000 000 դրամ հաշվարկման բազայի դեպքում՝ 8500 դրամ
1.000.001դրամ և ավելի հաշվարկման բազայի դեպքում՝ 15.000 դրամ
Անհատ ձեռնարկատերերը և նոտարները դրոշմանիշային վճարը վճարում են հետևյալ դրույքաչափով.
Մինչև 1.200.000 դրամ հաշվարկման բազայի դեպքում՝18.000 դրամ
1.200.001-2.400.000 դրամ հաշվարկման բազայի դեպքում՝ 36.000 դրամ
2.400.001- 6.000.000 դրամ հաշվարկման բազայի դեպքում՝66.000 դրամ
6.000.001- 12.000.000 դրամ հաշվարկման բազայի դեպքում՝ 102.000 դրամ
12.000.001 դրամ և ավելի հաշվարկման բազայի դեպքում՝ 180. 000 դրամ
0 Մեկնաբանություն