ՀՀ ԱԺ պատգամավոր, Լուսավոր Հայաստան կուսակցության նախագահ էդմոն Մարուքյանը ֆեյբուքյան էջում տեղեկացնում է.
Դեպի ռուսական տարբեր քաղաքներ ավիատոմսերի գները բազմապատիկ աճելու խնդրով այսօր դիմել եմ ՏՄՊՊՀ նախագահին:
Սիրելի՛ քաղաքացիներ,
Տեղեկացնում եմ, որ այսօր դիմել եմ ՀՀ ՏՄՊՊՀ նախագահ Գեղամ Գևորգյանին՝ դեպի ՌԴ ավիատոմսերի գների թանկացումների հետ կապված։
Մասնավորապես հայտնի է, որ 2021թ. փետրվարի 1-ից ՌԴ սահմանները բացվել են մեր քաղաքացիների համար։
Այնինչ, բազմաթիվ քաղաքացիներից ստանում ենք տեղեկություններ և դժգոհություններ առ այն, որ դեպի ռուսական տարբեր քաղաքներ ավիատոմսերի գները բազմապատիկ աճել են։ Նշվածը վերաբերում է ոչ միայն ռուսական, այլ նաև հայկական ավիափոխադրողներին։
Ընդ որում, խոսքը դեռ միայն միակողմանի տոմսերի գների մասին է։
Ըստ այդմ՝ ՏՄՊՊՀ նախագահին խնդրել եմ ուսումնասիրել, թե ավիատոմսերի շուկայում դեպի Ռուսաստան տոմսերի գների թանկացումներն ինչով են պայմանավորված, ինչպես նաև կիրառել օրենքով հանձնաժողովին վերապահված գործիքները՝ չհիմնավորված թանկացած տոմսերի գներն իջեցնելու և իրավախախտ սուբյեկտների նկատմամբ համապատասխան սանկցիաներ կիրառելու համար։
Պատասխանն ստանալուն պես այն կհրապարակվի իմ պաշտոնական էջում։
0 Մեկնաբանություն