Հայաստանի դեմոգրաֆիան խիստ մտահոգիչ է (տեսանյութ)

Ամեն տարի աշխարհում բոլոր հղիությունների գրեթե կեսը չնախատեսված է։ Դրանց ավելի քան 60 %-ն ավարտվում է աբորտով, որոնց 45 %-ն անվտանգ չեն։

ՄԱԿ-ի Բնակչության հիմնադրամը հրապարակել է «Աշխարհի բնակչությունը 2022» զեկույցը։ Այն այս  տարի  նվիրված է աշխարհում չնախատեսված և անցանկալի հղիությունների խնդրին։

Լրագրողների հետ հանդիպմանը ՄԱԿ-ի Բնակչության հիմնադրամի ժողովրդագրական ծրագրերի ղեկավար Աննա Հովհաննիսյանն անդրադարձել է Հայաստանի ժողովրդագրական ցուցանիշներին, որոնք այնքան էլ հուսադրող չեն՝ դեռ 2010թ-ին արված կանխատեսումների համաձայն։

«2026 թվականից հետո մենք տեսնում ենք, որ կախյալության գործակիցը՝ տարեցների և երեխաների տեսակարար կշիռն է աշխատունակ տարիքի բնակչության մեջ։ Այսինքն՝ աշխատունակ տարիքի 1 բնակիչ քանի երեխայի և տարեցի մասին է հոգ տանում։ Այսինքն նրա տնտեսական բեռը ինչքան է։ Եվ հիմա մեզ մոտ այդ կախյալության գործակիցն ավելի ցածր է»,- ասել է  նա։

Ըստ Աննա Հավհաննիսյանի՝  ցուցանիշները վկայում են, որ Հայաստանի հնարավորությունների պատուհանը մինչև 2026թ-ն է։

Հայաստանի  ժողովրդագրական ամենալուրջ  մարտահրավերը արտագաղթն է, և  հատկապես երիտասարդների թվի նվազումը։ Կա այլ խնդիր ևս․ «Աշխարհում գոյություն ունի նաև 1 այլ ցուցանիշ՝ NEET: Սա այն երիտասարդների տեսակարար կշիռն է, որոնք ոչ կրթություն են ստանում, ոչ զբաղված են, ոչ էլ ներառված են որևէ կրթական ծրագրերում։ Եվ Հայաստանն այս ցուցանիշով ամենաբարձրն է»,- ասել  Հովհաննիսյանը։

2020 թվականին մահերի բացարձակ թիվը աճել է 10.000_ով։

«Սա քովիդի և պատերազմի արդյունքում եղած մահերն են։ Պետք է հաշվի առնենք, որ 2021 թվականին այդ թիվը շատ քիչ իջավ»,- ասել է նա։