Առողջապահության նախարարի պաշտոնակատարի հրամանով կասեցվել են «Սլավմեդ» բժշկական կենտրոնում իրականացվող մեկ տասնյակից ավելի ծառայությունների լիցենզիաները:
2014 թվականից Երևանում գործող այս կենտրոնում կասեցվել են դիմածնոտային վիրաբուժության, ակնաբանական, բժշկական օգնության և սպասարկման, նեոնատոլոգիական, քիթ-կոկորդ-ականջաբանական, պլաստիկ-վերակառուցողական և էսթետիկ վիրաբուժական ու արտահիվանդանոցային մանկաբարձագինեկոլոգիական ընդհանուր պրակտիկայի և մի շարք այլ ծառայությունների լիցենզիան:
Որոշումը կայացվել է կառավարությանն առընթեր Առողջապահական և աշխատանքի տեսչական մարմնի հայտնաբերած խախտումների հիմքով, իսկ տեսչական մարմինը հիվանդանոց ստուգման է մտել բնակիչներից ստացած բողոքի հետքերով: Ստուգումներ իրականացրած տեսչական մարմնի Երևանի տարածքային կենտրոնի պետ Գագիկ Գրիգորյանը դժվարությամբ, բայց նշեց հիվանդանոցի գլխավոր խախտումը: Ասաց՝ իմիջի հարց է, չեի ուզում վնասել:
«Ցանկացած լիցենզավորում տրվում է կոնկրետ հասցե հասցեատիրոջը, որ էս հասցեում իրավունք ունեք իրականացնել այս գործունեությունը, մեր զննման արդյունքում հայտնաբերել ենք, որ կոնկրետ տրված հասցեն և գործունեության հասցեն իրար հետ չեն համապատասխանում», - ասաց Գրիգորյանը:
«Սլավմեդ» բժշկական կենտրոնն, ըստ մամուլի, պատկանում է հանրապետական նախկին պատգամավոր Արկադի Համբարձումյանի ընտանիքին, որն ավելի շատ հայտնի է, որպես «Դերժավայի Արկադի»: Ըստ մամուլի՝ հիվանդանոցի տնօրենը նրա քույրն է՝ Արմինե Հովակիմյանը:
Մանրամասն՝ այստեղ
0 Մեկնաբանություն