Կյանքից հեռացել է հայտնի լուսանկարիչ, ֆոտոլրագրող Գերման Ավագյանը

58 տարեկանում կյանքից հեռացել է հայտնի լուսանկարիչ, ֆոտոլրագրող Գերման Ավագյանը: 1989 թվականից Գ. Ավագյանը՝ որպես ազատ լուսանկարիչ, համագործակցել է տարբեր պարբերականների հետ։ Իր լուսանկարներում Գերման Ավագյանը անդրադարձել է սոցիալական, մտավոր առողջության,հանքարդյունաբերության, հաշմանդամության ու աղքատության խնդիրներին։ Գերման Ավագյանը բազմաթիվ ցուցահանդեսներ է ունեցել, արժանացել մրցանակների.
միութենական ցուցահանդես, Մոսկվա (1986 թ., բրոնզե մեդալ) «Ղարաբաղ 92», Երևանի պատմության թանգարան, 1992 թ. «Ծանոթ դեմքերի քաղաքը», մասնավոր շոու, Երևան, 1994 թ. «Վաղվա օրվա տունը», ՅՈՒՆԻՍԵՖ, 1995 թ. «Կատակողների դպրոցը», Երևան Հայկական արվեստի ցուցադրում, Բոխում, Գերմանիա «SOS-ի կանչ» բանականության թագավորությունից անդին, մասնավոր շոու, Երևան, 1997 թ. «Իմիջիայլոց» մասնավոր ցուցահանդես - շոու, Երևան, 1998 թ. Միջազգային բիենալե, Գյումրի ՅՈւՆԵՍԿՕ, «Մի´ լքեք տարիքավորներին», 1999 թ. «SOS-ի կանչ» բանականության թագավորությունից անդին, մասնավոր շոու, Տորոնտո, Կանադա «Չհայտարարված պատերազմի ուղիներով», Ղարաբաղի հակամարտություն «Լույսը թունելի վերջում», ՅՈւՆԻՍԵՖ, ՄԱԿ-ի գլխավոր գրասենյակ, Երևան, 2000 թ. Անհատական 30 շրջիկ ցուցահանդեսներ սահմանամերձ գյուղերում, 2006 թ. «Մահից հետո ծնվածները» շարք, ֆոտոփառատոն, Ֆրանսիա։