Հասարակություն

Լոռու մարզում տեղի ունեցած ապօրինի ծառահատման հետքերով

Սեպտեմբերի 6-ին, ժամը 20-ի սահմաններում, ոստիկանության Թումանյանի բաժնի ծառայողները ապօրինի փայտանյութ տեղափոխելու կասկածանքով, Մարց-Դսեղ ճանապարհին ստուգել են Վանաձորի 31-ամյա մի բնակչի վարած «Ֆորդ» մակնիշի մեքենան, որը բեռնված է եղել մոտ 3,5 խմ փայտանյութով:

Վարորդը հայտնել է, որ փայտանյութը, մեքենայով հանդերձ պատկանում է իր ուղևորին:
46-ամյա ուղևորը, որ Մարց գյուղի բնակիչ է նշված փայտանյութի վերաբերյալ որևէ փաստաթուղթ չի ներկայացրել, հայտնել է, որ իրենց գյուղի հանդամասում բենզասղոցով երկու քամատապալ հաճարենի է կտրել և պատրաստվում էր տանել Վանաձոր, աղջկա տուն:

Փայտանյութով բեռնված մեքենան տեղափոխվել է Թումանյանի բաժնի պահպանվող հատուկ տարածք:

Նշանակվել է մասնագիտական ստուգում:
Վնասի չափը պարզվում է:
Նախապատրաստվում են նյութեր:

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *