Աժ պատգամավոր Թագուհի Թովմասյանը դատական հայց է ներկայացրել Աժ նախագահի տեղակալ Լենա Նազարյանի դեմ: Այս մասին տեղեկանում ենք «Դատալեքս» դատական տեղեկատվական համակարգից:
Թովմասյանը պահանջում է հրապարակայնորեն ներողություն խնդրել և փոխհատուցում վճարել վիրավորանք համարվող արտահայտության համար: Հայցը ներկայացվել է հունիսի 30-ին և մակագրվել դատավոր Սերգեյ Սահակյանին:
Հիշեցնենք՝ ՀՀ ԱԺ արտահերթ վերջին նիստերից մեկի ժամանակ միջադեպ էր եղել ԱԺ փոխնախագահ Լենա Նազարյանի և «Իմ քայլը» խմբակցությունից դուրս եկած պատգամավոր Թագուհի Թովմասյանի միջև:
Հիշեցնենք՝ Թովմասյանն ամբիոնից խոսում էր Աբովյանի դիահերձարանում զինծառայողների աճյունների նկատմամբ ոչ պատշաճ վերաբերմունքի մասին՝ նշելով, որ այն շատ վատ մեսիջ է, որը կարող էր տալ պետությունը: Թովմասյանի այս ելույթից հետո ԱԺ փոխնախագահ Լենա Նազարյանը ցածրաձայն ասել էր՝ «իդիոտկա», որը սակայն լսվել էր՝ բարձրախոսի՝ անջատած չլինելու պատճառով։
0 Մեկնաբանություն