Վալերիյ Օսիպյանը փաստ չունի, թե նախկին ոստիկանապետ Վլադիմիր Գասպարյանն առնչություն ունի՞ Սևանի ձկան բիզնեսի հետ։Հարցին, թե շահերի բախում չի՞ տեսնում, քանի որ տարիներ շարունակ ոստիկանությունը պայքարել է դրա դեմ, բայց ըստ մամուլում տեղ գտած հրապարակումների՝ պահածոյացված սիգ արտադրող ընկերություններից մեկը «Գալիլիա» ՍՊԸ-ն է, որի սեփականատերը Վլադիմիր Գասպարյանի զոքանչն է, պարոն Օսիպյանը կարճ պատասխանեց․
«Ես նախկինում տեղեկացված չեմ եղել՝ ինչ է եղել, ոնց է եղել»։ «Տեղեկացված եմ, որ նախաքննության մարմինը վարույթ է իրականացնում այդ մասով։ Ապօրինի սիգի վաճառքը մտահոգում է բոլորիս, տարիներ շարունակ ոստիկանությունը դրա դեմ պայքար է մղել, այսօր նույնպես պայքարում ենք»,- ասաց նա։
Հիշեցնենք, որ օրեր առաջ ոստիկանությունը հայտարարություն էր տարածել, համաձայն որի՝ ավելի քան 44 000 կգ սիգի իրացման փաստեր են պարզվել, հարուցվել է քրեական գործ։
Մանրամասն՝ Ա1+_ից
0 Մեկնաբանություն