Facebook

Բագրատաշեն-Սադախլո անցակետում երկար հերթ է. Վրաստանում ՀՀ դեսպանություն

Վրաստանում ՀՀ դեսպանությունը հայտարարություն է տարածել իր ֆեյսբուքյան էջում, որում մասնավորապես ասվում է՝ Բագրատաշենի անցակետում տրանսպորտային միջոցների հերթի վերաբերյալ

Տեղեկացնում ենք, որ այս պահին Բագրատաշեն-Սադախլո անցակետում երկար հերթ է, որի պատճառը տրանսպորտային միջոցների քանակությունն է։

Ժողովրդի շրջանում ապատեղեկատվություն է տարածվել, որ հերթի պատճառն այն է, որ անցակետի վրացական հատվածում աշխատում է միայն մեկ անցուղի, որը չի համապատասխանում իրականությանը։

Վրաստանում ՀՀ դեսպանությունը մշտական կապի մեջ է Բագրատաշեն - Սադախլո անցակետի հայկական և վրացական հատվածների ղեկավարների հետ։

Հայտնում ենք, որ անցակետի երկու հատվածներն էլ աշխատում են ամբողջ ծանրաբեռնվածությամբ ու ծավալով, գործում են բոլոր անցուղիները։

Հորդորում ենք ապատեղեկատվություն չտարածել։

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *