Միջազգային հարթակներում պետք է գնալ ու ասել, մենք ունենք մեր պատկերացումը Արցախյան հիմնախնդրի լուծման շուրջ: Կուզեք մեզ հետ անցեք այդ ճանապարհը, չեք ուզում՝ մենք մեր ուզածով ենք հարցը լուծելու, ասում է Մարդկային զարգացման միջազգային կենտրոնի նախագահ Թևան Պողոսյանը:
«Ինձ ավելի շատ հետաքրքիր է, թե մենք այստեղ ինչ աշխատանքներ ենք անում, որ որեւէ մեկը չկարողանա մեզ հետ ուժի տեսակետից խոսել: Մեր ասածը կլսեն, կհասկանան, որ Հայաստանի ճանապարհը դեպի ժողովրդավարություն բերելու է այն ճանապարհին, որ Արցախը մի օր հայտնվելու է բանակցությունների սեղանին կամ ճանաչվելու է միջազգային հանրության կողմից»:
Սա վարչապետի առաջին այցն է հեղափոխությունից հետո, նշում է Թեւան Պողոսյանը՝ անդրադառնալով վարչապետ Նիկոլ Փաշինյանի Բելգիա կատարած այցին:
«Շատ կարևոր շեշտադրում է, որ Հայաստանը չի լինելու հայցվորի դերում, չի լինելու խնդրողի դերում: Հայաստանի ճանապարհը հարթվելու է, նոր իշխանությունները նպատակասլաց գնալու են Հայաստանը հզորացնելու փոփոխություններին՝ սեփական արժեքների վրա հիմնվելով»:
Թեւան Պողոսյանը կարևորում է Եվրոպական միության կողմից ստանդարտ փաթեթների վերանայումը, որը հնարավորություն կտա այդ պայմանագրով ավելի կայուն բարեփոխումներ իրականցնել:
«Եթե նույնիսկ վերցնենք վիզաների ազատականացման գործընթացքը, Հայաստանը՝ ուսումնասիրելով վիզաների դյուրացման գործընթացի Վրաստանի և Ուկրաինայի փորձերը, մի քանի փոփոխություններ է իրականացնում, որը վիզաների ազատականացման բարեփոխումների փաթեթից է: Բնականաբար, փոփոխություններ ԵՄ-ն հետագայում չի իրականցնելու: Սա բոլոր ոլորտներին է վարբերվում: Այնտեղ, որտեղ Հայաստանն ինքնուրույն իր ճանապարհը հարթում է, բնականաբար, այդտեղ եթե կան նոր հնարավորություններ՝ թող գան այդ դաշտում օգնեն: Այն դաշտերը, որտեղ մենք չենք տիրապետում՝ այդտեղ շեշտադրումը դնեն»,-եզրափակեց Թեւան Պողոսյանը:
0 Մեկնաբանություն