Հատուկ Քննչական ծառայության պետ Սասուն Խաչատրյանը չմեկնաբանեց արդյո՞ք մարտի 1-ի գործով ՀՀ նախկին վարչապետ Հովիկ Աբրահամյանը հարցաքննվել է:
«Նախաքննական գաղտնիք է»,-ասաց նա: Իսկ Հովիկ Աբրահամյանին այս պահին մեղադրանք չի առաջադրվել։
«Ո՛չ, մեղադրանք չի առաջադրվել։ Ընդհանրապես, եթե որևէ անձի մեղադրանք առաջադրվի, կհայտնենք»։
Իսկ երեկ ձերբակալված Հովիկ Աբրահամյանի եղբայրն այս պահին ունի կասկածյալի կարգավիճակ: Նա կասկածվում է ապօրինի զենք, զինամթերք պահելու մեջ։
«Տեղեկություն կա, որ Մարտի 1-ին բացի կանոնավոր բանակից, ներքին զորքերից, եղել են նաեւ զինված խմբեր, նախաքննությամբ ստուգվում է այդ վարկածը»,-հավելեց Սասուն Խաչատրյանը:
Ըստ նրա, վարկած կա, որ զենքը կիրառել են Հովիկ Աբրահամյանի կողմնակիցները։ «Նման վարկած կա, որը պետք է ստուգվի նախաքննության ընթացքում»։
0 Մեկնաբանություն