Ռոբերտ Քոչարյանը պետք է ՀՔԾ ներկայանա, ժամկետը լրանում է

ՀՀ երկրորդ նախագահ Ռոբերտ Քոչարյանին վաղը սպասում են ՀՔԾ-ում, ժամկետը լրանում է:

2008թ. Մարտի մեկի գործով  Քոչարյանը  ՀՔԾ հարցաքննության է հրավիրվել վկայի կարգավիճակով:

 «Ա1+»-ին ՀՔԾ լրատվական ծառայությունից հայտնեցին, որ Ռոբերտ Քոչարյանի չներկայանալու մասին որեւէ բան չեն ասել. «Նրան ծանուցումն ուղարկվել է եւ հարցաքննության օրը  հունսի 26-ն է»:

Նշենք որ, Մարտի մեկի  գործով հարցաքննության պետք է ներկայանա նաեւ ՀՀ զինված ուժերի գլխավոր շտաբի նախկին պետ Յուրի Խաչատուրովը:

 Իսկ նախկին Պաշտպանության նախարար Միքայել Հարությունյանի նկատմամբ հետախուզումը շարունակվում է:  Ըստ ՀՔԾ-ի,  նրան մեղադրանք է առաջադրվել՝  այլ անձանց հետ սահմանադրական կարգը բռնությամբ տապալելու համար:

Նշենք, որ մամուլը տեւական ժամանակ է հետաքրքրվում է, թե ով է քննելու Ռոբերտ Քոչարյանին կամ ով է առհասարակ մարտի 1- գործով քննչական խմբի ղեկավարը:

 Բայց մարտի 1-ի գործով քննչական խմբի ղեկավարի անունը գաղտնի է պահվում: