Վանաձորի Լամպերի գործարանին հարակից տարածքում հայտնաբերվել է կախված տղամարդու դի

Հայաստանի քննչական կոմիտեի Լոռու մարզային քննչական վարչությունում նյութեր են նախապատրաստվում սեպտեմբերի 16-ին Լոռու մարզում տեղի ունեցած ինքնասպանության փաստով:

Ինչպես տեղեկացնում է shamshyan.com-ը, ժամը 23:30-ի սահմաններում Վանաձորի շտապօգնության հերթապահ խմբի բժիշկները ոստիկանության Բազումի բաժին ահազանգել են, որ կանչով մեկնել են Լամպերի գործարանին հարակից տարածքում գտնվող բնակելի տնակներից մեկը, որտեղ հայտնաբերել են կախված տղամարդու դի:

Նշված վայր ժամանած ստիկաններն ու քննիչները պարզել են, որ տնակի առջև գտնվող խորդանոցում առաստաղից պարանով կախվելու միջոցով ինքնասպան է եղել նույն հասցեի բնակիչ, 61-ամյա Ա. Տ.-ն: Ըստ նախնական տեղեկությունների՝ դիակի վրա բռնության հետքեր չկան: Ա. Տ.-ին հայտնաբերել է որդին՝ 24-ամյա Ս. Տ.-ն:

Նյութը՝ «Առաջին լրատվական»-ի։