18-ամյա աղջիկը սովից ուշագնաց է եղել նկարահանման պահին
Գրիգորյանների բազմանդամ ընտանիքում խնդիրներն ավելի շատ են, քան եկամուտները: 7 անձից բաղկացած ընտանիքը 53 ամյա հորեղբոր՝ Գրիգոր Գրիգորյանի ամսական 19 000 դրամ թոշակի հույսին է: -Լինում է՝ օրերով քաղցած են մնում երեխաներս,-ասում է ընտանիքի մայրը՝ տիկին Վալյան: Մեր նկարահանման պահին էլ 18 ամյա Նատալյան քաղցից ուշաթափվեց: Պարզվեց՝ աղջիկը ողջ օրը ոչինչ չի կերել: 2 տարի առաջ էլ՝ յոթնամյա Անժելային են կորցրել՝ լուրջ առողջական խնդիրների պատճառով: ԲՍՓ-ը նախկին հանձնաժողովն անգամ չի ճանաչել երեխայի հաշմանդամությունը: Մարտից այլևս նպաստ չեն ստանում. օրենքով չի հասնում: Խանութում պարտքեր ունեն կուտակած, օգնող ձեռքերն էլ հատուկենտ են: Իշխանավորներին չեն դիմել. հույս չունեն, թե կօգնեն:
0 Մեկնաբանություն