«ԱԺ-ում լինելու ենք այլընտրանք»: Սասնա ծռերի քարոզարշավը Լոռիում

Շառլ Ազնավուրի անվան մշակույթի պալատում աղուհացով դիմավորեցին «Սասնա Ծռեր»-ին: Ցուցակը գլխավորող Վարուժան Ավետիսյանը լոռեցիներին է ներկայացնում  5 մասից բաղկացած կուսակցության ծրագիրը: Հեղափոխությունն ավարտին հասցնելու համար կսատարեն  «Իմ քայլը» դաշինքին, որպես այլընտրանք ԱԺ-ում կիրականացնեն սկզբունքային ծրագրային դրույթները:

Քաղաքագետ Ստեփան Գրիգորյանը, որ ցուցակում 2-րդ համարն է, անդրադարձավ պետական կառավարմանն ու կադրային քաղաքականությանը: Արցախը Հայաստանի անքակտելի մասն է, և այն տարանջատելու մասով բանակցությունները բացառվում են: Դրանք պետք է դիտարկվեն հավասարը հավասարին սկզբունքով՝ նկատի առնելով ՌԴ-յան քաղաքականությունն այս հակամարտության մասով:

«Սասնա Ծռեր» կուսակցությունն ընտրությունների ողջ ընթացքում չի ենթարկվել սադրանքների,- լոռեցիներին կոչ անելով ընտրել Սասնա ծռերին՝ շարունակում է պատգամավորության մյուս թեկնածուն՝ Արայիկ Պապիկյանը։

Նկատի առնելով, որ դեկտեմբերի 7-ին լրանում է 88-ի աղետի 30-ամյա տարելիցը՝ Պետրոս Մաքեյանն անդրադարձավ մարզում երկրաշարժի հետքերին, որոնք 30 տարում այդպես էլ չվերացան:

Լոռու մարզով Սասնա ծռերը կեզրափակեն քարոզարշավը: Դեկտեմբերի 7-ին ողջ կազմով կլինեն Սպիտակում՝ հարգանքի տուրք մատուցելու երկրաշարժի զոհերի հիշատակին:

Մանրամասները՝ տեսանյութում։