Վանաձորում «Հեղափոխության դեմքերն ու դեպքերը» ցուցահանդեսն է՝ կազմակերպած «Հանուն հավասար իրավունքների» ՀԿ-ի կողմից: Ինչպես ՀԿ-ն ծրագրի համակարգող Անուշիկ Ռշտունին է հայտնում, հասարակական կազմակերպությունն է հանդես եկել ցուցահանդես կազմակերպելու նախաձեռնությամբ, մասնակցել դրամաշնորհային ծրագրին և շահել, իսկ թե որքան է կազմել դրամաշնորհը և ով է տրամադրողը, հրաժարվեց պատասխանել:
Շարունակում է՝ պաշտոնական հրավեր են ուղարկել ոչ միայն Լոռու մարզպետին, այլև Թավշյա հեղափոխության օրերի հետ կապված նշանակալի անձանց:
Նախապես տարածել են բաց հայտարարություն, որի շրջանակներում հավաքագրել են հանրության կողմից հեղափոխության օրերին արված լուսանկարները: 100-ավոր լուսանկարներից տպվել են միայն տպագրական որակ ունեցողները: Ցուցահանդեսին տեղ գտած 50 լուսանկարներից և ոչ մեկում վանաձորցի այցելուն հեղափոխական Լոռիից գոնե 1 լուսանկար չգտավ: Պարզաբանում են, որ լոռեցիներից լուսանկար չեն ստացել:
Ցուցահանդեսն այցելուների առջև բաց կլինի ևս 10 օր:
Այնուամենայնիվ, հեղափոխության գլխավոր նպատակներից մեկը բաց ու թափանցիկ հասարակություն ստեղծելն էր, լրատվամիջոցների համար էլ` ինֆորմացիայի մատչելի ստացումն ու տարածումը, որն այս պարագայում չստացվեց:
Հարցը մնաց օդում. Ո՞վ է ֆինանսավորել այս ցուցահանդեսը և որքա՞ն գումար է արժեցել այն:
0 Մեկնաբանություն