Մունետիկ

Թեքահարթակը քանդեցին, թե խաթարում է շենքի պատմաճարտարապետական կերպարը, թքա՛ծ, որ մի քանիսը չեն կարողանալու մուտք գործել (տեսանյութ)

«Հավասար իրավունքներ, հավասար հնարավորություններ» ՀԿ նախագահ Անուշ Ասլանյանը կազմակերպության ֆեյսբուքյան էջում նկար է հրապարակել՝ կից գրառմամբ

 Վանաձոր համայնքի ղեկավարությունը շարունակում է համարձակ քայլերով «ադեկվատ/սթափ» որոշումներ կայացնել և Վանաձոր քաղաքի հանրային տարածքները անմատչելի դարձնել հաշմանդամություն ունեցող անձանց համար: Գիտե՞ք հանուն ինչի: Համաձայն պատասխանատուների՝ հանուն ճարտարապետական «գեղեցկության»:
Շնորհավոր՝ թեքահարթակը քանդելով մենք ունենք ճարտարապետական փայլուն տեսք ունեցող մշակութային կենտրոն (դե «թքած», որ մի քանիսը չեն կարողանալու մուտք գործել կամ մեծ դժվարությամբ կգործեն): Դատապարտելի արարք:

Քիչ անց, քաղաքացիական ակտիվիստ Վահե Խաչիկյանը ֆեյսբուքյան ուղիղ միացում է ունեցել  Վանաձորի Շարլ Ազնավուրի անվան մշակույթի պալատի բակից՝ նշելով՝ «ապամոնտաժվել է քաղաքում բացառիկ հարմարավետ կառուցված թեքահարթակը՝ առանց շահագրգիռների հետ քննարկման»:

Լուսանկարը՝ Անտոն Իվչենկոյի

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *