Մունետիկ

Թումանյանի ծննդյան 150-ամյակը տոնել են Վանաձորի պետհամալսարանում

Փետրվարի 19-ին Հովհ. Թումանյանի անունը կրող Վանաձորի պետական համալսարանում մուտքից մինչև լեփ-լեցուն դահլիճ ու բեմահարթակ շնչում էր Թումանյանով։ Տոնում էին հանճարեղ լոռեցու ծննդյան 150-ամյակը:  

 Միջոցառումը նախաձեռնել էր  «Մշակույթի կենտրոն»-ը:  Մասնակցում էին տարբեր ֆակուլտետների շնորհաշատ  ուսանողները: Հենց նրանք էլ մարմնավորեցին Թումանյանի զավակներին, հերոսներից՝ Անուշին, վիճակ հանեցին։ Իգիթները կոխի բռնվեցին, երգ ու պարով, թումանյանական տողերով էլ համեմեցին ծրագրի գեղարվեստական մասը: Թումանյան հանճարին բացահայտող տեսաֆիլմի ցուցադրություն ևս եղավ: 

Օրվա բանախոսները` բ.գ.թ. դոցենտ Գայանե Մալումյանն ու Արտակ Սարուխանյանը անդրադարձան Թումանյան մեծությանը, բանաստեղծություններին, քառյակներին,   արժեհամակարգին:

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *