Տան փլուզման պատճառով Օֆելյա Աղբալյանի ընտանիքը ստիպված հանգրվանել է հարեւանի տանը
Շուրջ 30 տարի է Աղբալյանները բնակվում են Լոռու մարզի Շահումյան գյուղում: Ընտանիքն արդեն մի քանի օր է՝ հարևանի տանն է հանգրվանել: Փետրվարի 20-ին փլուզվել է Աղբալյանների սեփական տան տանիքը՝ հյուրասենյակի 100 քմ և ննջասենյակի 60 քմ մակերեսով: Տան տիկինը՝ 62-ամյա Օֆելյա Աղբալյանը, կատարվածի մասին անմիջապես տեղյակ է պահել պատկան մարմիններին: Արտակարգ իրավիճակների նախարարության Լոռու մարզային փրկարար ծառայությունը կազմել է համապատասխան արձանագրություն, սակայն տանիքի ձյան մաքրման աշխատանքներում օգնություն չի ցուցաբերել, որի պատճառով ձյան հալոցքը լցվել է տուն:
0 Մեկնաբանություն