Տարածք ստանալու պահանջով ՀԿ կենտրոնը կդիմի համայնքապետարան

«ՀՀ կառավարության 2020 թ-ի օգոստոսի 13-ի որոշմամբ տարածքն ամրացվում է ՀՀ առողջապահական և աշխատանքի տեսչական մարմնին: Խնդրում ենք հնարավորինս շտապ ազատել տարածքը». Խոսքը Վանաձորի Սոցիալական ծառայությունների համալիր կենտրոնի 4-րդ հարկի աջ թևի մասին է, որից աշխատանքային անհատական օգտագործմամբ 61.6 քմ մակերեսը` և 53.3 քմ մակերեսով ընդհանուր օգտագործմամբ խորհրդակցական դահլիճը անորոշ ժամկետով անվարձահատույց շահագործման էր տրվել  ՀԿ կենտրոնին: 2004 թ-ի փետրվարին «Սոցիալական ծառայություններ մեկ կանգառում» փորձարարական ծրագրի շրջանակներում ստեղծվեց «Վանաձորում սոցիալական ծառայությունների համալիր կենտրոնը»: 2004թ-ի հունիսին 16-ի Լոռու նախկին մարզպետ Հերիկ Քոչինյանի թիվ  175 Ա որոշմամբ, 2001թ-ից Լոռու մարզպետարանին անվարձահատույց տրամադրված 2000 քմ մակերեսով տարածքից  4-րդ հարկում անհատական և ընդհանուր օգտագործման վերոնշյալ տարածքներն անորոշ ժամկետով հատկացվեց, ինչպես որոշման մեջ է նշված Վանաձորի ՀԿ-ին: Արփինե Հակոբյանը դեռ  2012թ-ին գրությամբ դիմել էր մարզպետարան տարածքի անվարձահատույց շահագործման թույլտվության երկարագձման խնդրանքով,   պահանջը բավարարվելէ   2 տարով` մինչև  2014-ը, որից հետո ևս  3 տարի ժամկետով երկարաձգցվել է որոշումը` մինչև 2017թ-ի հունիսի 1-ը: Դրանից հետո,  ինչպես նշում Արփինե Հակոբյանը, չեն դիմել Լոռու մարզպետարան, սակայն շարունակել են բարեխիղճ տնօրինել պետական գույքը: Այստեղից էլ առաջացել է տեխնիկական խնդիրը:

Մանրամասները՝ տեսանյութում: