Մունետիկ

Տարոն Սիմոնյանի ԱՐԲԱՆԷ․<<և զարթնում է լաոն>> գրքի շնորհանդեսը՝ Վանաձորում

Հայկական պետականության զարգացման օրինաչափությունները 18-րդ դարից մինչև մեր օրերն ամբողջացրել է մեր համաքաղաքացի, իրավաբան Տարոն Սիմոնյանն իր ԱՐԲԱՆԷ․<<և զարթնում է լաոն>> գրքում: Սկզբում Երևանում, ապա  Լոռու մարզային գրադարանում կայացավ գրքի շնորհանդեսը: Արարում, բանականություն և էություն գրքի բովանդակության երեք հիմնարար արժեքային հապավումից էլ ծնվել է վերնագիրը՝ «ԱՐԲԱՆԷ»:

ԱԺ պատգամավոր, «Լուսավոր Հայաստան» կուսակցության նախագահ Էդմոն Մարուքյանի խոստումը հեղինակին՝ գիրքը մինչև վերջ ընթերցելու վերաբերյալ իրականացնելու է   ինքնաթիռում, որ ոչ ոք չխանգարի:

«ԱՐԲԱՆԷ»-ն գիտական աշխատանք է, և  քաղաքական ուժերի վերաբերյալ հեղինակային որևէ դիրքորոշում ներկայացված չէ: Հարցուպատասխանի ընթացքում ներկաներից վանաձորցի Սուրեն Բեկչյանի հարցին ի պատասխան՝  հեղինակը նշում է՝ փորձել է զերծ  մնալ սեփական դիրքորոշումն  արտահայտելուց:

Սա Տարոն Սիմոնյանի առաջին ժողովածուն չէ, նա  2 մենագրության, 5 ուսումնական ձեռնարկների, և ավելի քան  30 գիտական աշխատանքների հեղինակ է:

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *