Մունետիկ

Վանաձորի ավագանու նիստում քննարկվել է ավտոկայանատեղիների վիճարահարոյց հարցը

Ավագանու 33 անդամներից 25-ի մասնակցությամբ մեկնարկեց Վանաձոր համայնքի ավագանու 2019-ի նստաշրջանը: Մինչ օրակարգային հարցերին անցնելը, Վանաձորի ավտոկայանատեղիների մասին հարց բարձրացրեց  ԼՀԿ խմբակցության քարտուղար Անահիտ Կարապետյանը: Հարցը վերջին շրջանում մեծ իրարանցում էր առաջացրել թե քաղաքում, թե ակտիվորեն քննարկվել սոցցանցերում:
Անահիտ Կարապետյանը հարցի հետ կապված  հանդես եկավ  հանձնաժողով ձևավորելու առաջարկով: Գործարար Արամայիս Մեսրոպյանը քաղաքում հերթական ներդրումն անելու նպատակով  ակնկալում է Դիմաց թաղամասում գտնվող  նախկին լողավազանի  և հողատարածքի անհատույց օտարման հնարավորությունը: Հաշվի առնելով անհատույց օտարման խնդրանքի շուրջ հայտարարության՝ ավագանու անդամների արձագանքը, քաղաքապետ Ասլանյանը առաջարկեց հարցը դնել հետագա  ուսումնասիրության:  Օրակարգը հաստատվեց 13 հարցով: Համայնքի սեփականություն հանդիսացող գույքի գույքագրման փաստաթղթերի հաստատման շուրջ ծավալվեց քննարկում:

Մանրամասները՝ տեսանյութում

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *