՛՛Ժողովուրդն ԱԺ-ում խոսող, այլ ոչ թե լսող ու լռող պատգամավորների կարիք ունի՛՛ ՛՛ԵԼՔ՛՛ դաշինք
Սպիտակի տարածաշրջանում քարոզարշավների հերթական օրը վերջին երկու՝ Սարահարթ եւ Գոգարան համայնքներ ՛՛ԵԼՔ՛՛ դաշինքի Լոռու մարզի թեկնածուները հասան արդեն երեկոյան: Գյուղում շրջելուց եւ ԱԺ պատգամավոր Էդմոն Մարուքյանի գործունեության հաշվետվության բուլկետները բաժանելուց հետո ՛՛ԵԼՔ՛՛-ի թեկնածուները զրուցեցին բնակիչների հետ: Հրանտ Այվազյանը թիվ 9 ընտրատարածքի ռեյտինգային ցուցակում երկրորդն է: Հիմնավորում է նախ ՛՛Լուսավոր Հայաստան՛՛ կուսակցությանն, ապա ՛՛ԵԼՔ՛՛ դաշինքին անդամակցելու իր հստակ դիրքորոշումը: 5 տարի առաջ, երբ Վանաձորի թիվ 30 ընտրատարածքում պատգամավորության թեկնածություն էր առաջադրել Էդմոն Մարուքյանը, իրենք համոզված էին, որ ի դեմս Մարուքյանի, վանաձորցին ունենալու է մշտապես հասանելի, բնակիչների խնդիրներին հաղորդակից ու ականջալուր, խոսող, այլ ոչ թե լսող ու լռող պատգամավոր: Ժամանակը եւ Էդմոն Մարուքյանի պատգամավորական հմուտ գործունեությունը ոչ միայն հաստատեցին, այլեւ գերազանցեցին բոլորի սպասելիքները: Սակայն նույն ժողովրդի խոսքով, նրա պես պատգամավորների թիվը ԱԺ-ում հարկավոր էր բազմապատկել, եւ նման հաղթանակի համար իսկական ընդդիմադիր ուժերին պահանջեցին միավորվել: Մասնակցելով ԱԺ ընտրություններին, ՛՛ԵԼՔ՛՛ դաշինքը լիարժեք ներկայացնում է ժողովրդի շահն ու պահանջը՝ ակնկալելով, որ մարդիկ իրենց համարձակ քայլով կհնչեցնեն իրենց ձայնն ու կհաստատեն ազգի հաղթանակը:
0 Մեկնաբանություն