Զինվորի ընտանիքը նոր բնակարան է ստացել
2010-ի հունիսի 18-ը ԼՂՀ Մատաղիսի հենակետի համար կարող էր ավելի ողբերգական ավարտ ունենալ: Մարտական դիրքերում այդ օրվա հերթապահությունն Արտակն այսուհետ ամբողջ կյանքում է հիշելու: Կրակոցի ձայներ է լսել, ապա ընկերների ձայներն են ականջին հասել, ինչպես հետո պիտի պարզվեր` վերջին անգամ. զինված դիվերսանտը Արտակի 4 ընկերներին էր սպանել, մի քանիսին էլ վիրավորել: Շարքային Արտակ Ղաբուզյանի կազմակերպված մարտական գործողությունները վերջ դրեցին թշնամու կյանքին, ում արտասանած վերջին 3 թուրքերեն բառերը դեռ շարունակում են հնչել Արտակի ականջներում:
0 Մեկնաբանություն