Ազգային ժողովն ընդունեց ՀՀ կառավարութան ծրագիրը (տեսանյութ)

Հայաստանի Հանրապետության Ազգային ժողովը փետրվարի 14-ի նիստում հաստատեց կառավարության ծրագիրը: Ինչպես հաղորդում է «Արմենպրես»-ը, կառավարության ծրագրին կողմ քվեարկեց 82, դեմ՝ 37 պատգամավոր:

Ավելի վաղ «Լուսավոր Հայաստան» խմբակցության ղեկավարը հայտնել էր, որ դեմ են քվեարկելու նախագծին: «Բարգավաճ Հայաստան» խմբակցության պատգամավոր Նաիրա Զոհրաբյանը նշել էր` կողմ կքվեարկեն, եթե միայն իրենց ներկայացրած առաջարկներն ընդունվեն:

Փետրվարի 12-ին կայացած նիստի ընթացքում ՀՀ վարչապետ Նիկոլ Փաշինյանը ներկայացրեց կառավարության՝ փետրվարի 8-ին հաստատված ծրագիրը։ Գործադիրի ղեկավարին հարց տալու համար  հերթագրվել էր 53 պատգամավոր։

Փետրվասրի 13-ին տեղի ունեցած նիստում ավարտվեցին վարչապետին ուղղված պատգամավորների հարցերը, և մեկնարկեց ելույթների շրջանը։ Ելույթ ունենալու համար հերթագրվել էր 43 պատգամավոր։