Կենտրոնակական ընտրական հանձնաժողովը Ազգային ժողով անցած կուսակցություններից և դաշինքներից ստացել է ինքնաբացարկի 20 դիմում: Այս մասին ՀՀ կենտրոնական ընտրական հանձնաժողովի արտահերթ նիստի ժամանակ ասել է Կենտրոնական ընտրական հանձնաժողովի քարտուղար Արմեն Սմբատյանը:
«ԿԸՀ-ն ստացել է ինքնաբացարկի 18 դիմում «Իմ քայլը» դաշինքից և 2 դիմում՝ «Լուսավոր Հայաստան» կուսակցությունից: «Բարգավաճ Հայաստան» կուսակցությունից ինքնաբացարկի դիմումներ չեն ներկայացվել: Կենտրոնական ընտրական հանձնաժողովը սահմանված կարգով ուսումնասիրել է բոլոր դիմումները, դրանք նոտարական կարգով վավերացված են»,- ասել է Սմբատյանը:
ԿԸՀ քարտուղարը ներկայացրել է ինքնաբացարկ ներկայացրած պատգամավորների թեկնածուների անունները:
«Իմ քայլը» կուսակցություններից դաշինքի ընտրական ցուցակից ինքնաբացարկի դիմումներ են ներկայացրել Նիկոլ Վովայի Փաշինյանը, Տիգրան Արմենի Ավինյանը, Արայիկ Էդուարդի Հարությունյանը, Սուրեն Ռաֆիկի Պապիկյանը, Զարուհի Վալերիանի Բաթոյանը, Էդուարդ Արթուրի Աղաջանյանը, Ռոմանոս Վաչիկի Պետրոսյանը, Դավիթ Տարոնի Սանասարյանը, Հակոբ Վրեժի Արշակյանը, Արսեն Գևորգի Թորոսյանը, Գարիկ Մնացականի Սարգսյանը, էրիկ Էմիլի Գրիգորյանը, Գնել Հենզելի Սանոսյանը, Տրդատ Նարեկի Սարգսյանը, Անդրեյ Սերժիկի Ղուկասյանը, Դավիթ Հովիկի Գևորգյանը, Նարեկ Վարուժանի Բաբայանը և Ֆելիքս Խոստեղի Ցոլակյանը:
Իսկ «Լուսավոր Հայաստան» կուսակցության ընտրական ցուցակից ինքնաբացարկի դիմում են ներկայացրել Քրիստ Հրաչիկի Մարուքյանը և Արմեն Մերուժանի Բաղդասարյանը:
0 Մեկնաբանություն