Ազգային ժողովում ճեպազրույցների ժամանակ «Լուսավոր Հայաստան» խմբակցության ղեկավար Էդմոն Մարուքյանը անդրադառնալով հայ-ռուսական հարաբերություններին, հեգնանքով արձանագրեց, որ դրանք փայլուն են: Դրա վառ ապացույցը՝ Ռուսաստանում հայ վարորդներին հայկական վարորդական իրավունքով մեքենա վարել չթույլատրելն է:
«Վերջին մի քանի ամիսներում միայն հայ վարորդներին են կանգնեցնում և թույլ չեն տալիս հայկական վարորդական իրավունքով վարել մեքենան: Այս հարցը մինչև հիմա Կառավարությունն ասում է, որ հարցը լուծվում է: Այդ պրիմիտիվ հարցը մինչև այսօր իշխանությունը չի կարողացել լուծել: Հազարավոր նամակներ եմ ստանում, չգիտեմ այդ մարդկանց ինչ պատասխանեմ»:
Պատգամավորը կառավարությանը կոչ արեց այդ հարցով զբաղվել:
Մարուքյանը անդրադարձավ նաև ԴԱՀԿ նախկին պետ Միհրան Պողոսյանի՝ Ռուսաստանից ապաստան խնդրելուն: Պատգամավորը նկատեց՝ մնում է լրագրող դառնա, որպեսզի կարևոր հարցերի պատասխանը ստանա:
«Մեկիդ մոտ հարց չի առաջանում, Միհրան Պողոսյանը ի՞նչ գործ ունի Ռուսաստանում: 1 տարի է գիտենք, որ նա պետք է քրեական հետապնդման ենթարկվի: Մեր նախաքննության մարմինները այնքան սպասեցին, որ այդ մարդուն տարան, առոք-փառոք ճանապարհեցին, որ հետո չկարողանանա՞ն բռնել: Մեկդ այդ հարցը չեք բարձրացնում՝ էդ ո՞նց գնաց, բա ի՞նչ բանի էիք, որ գնաց, ի՞նչ բանի էիք, որ Բուլկի Արամը գնաց»:
«Հույս եմ հայտնում, որ ռուսական իշխանությունները նրան չեն տա քաղաքական ապաստան, հուսանք, այո: Հիմնվելով մեր փայլուն հարաբերությունների վրա, նրանք կարծում եմ չեն տա, բայց, եթե տվեցին այ դա՝ այ-այ-այ, շատ վատ»,- հավելեց Էդմոն Մարուքյանը:
Մարուքյանի համար նաև զարմանալի թվաց, թե ինչո՞ւ են վերջերս Սերժ Սարգսյանի խոսքին սպասում:
«Ի՞նչ պետք է ասի որ, մանկապարտեզները սեփականաշնորհած իշխանությունը ի՞նչ պետք է ասի, ի՞նչ եք ուզում, որ ասի»,- դիմելով լրագրողներին շեշտեց պատգամավորը:
Մանրամասն՝ տեսանյութում:
0 Մեկնաբանություն