Թուրքիան դատապարտել է ԱՍԱԼԱ-ի կնքահայր Գուրգեն Յանիկյանի մասունքների ամփոփումը Եռաբլուրում

Թուրքիայի արտաքի գործերի նախարարությունն դատապարտել է «Հայաստանի ազատագրության հայ գաղտնի բանակի»՝ ԱՍԱԼԱ-ի կնքահայր Գուրգեն Յանիկյանի մասունքների ամփոփման փաստը Եռաբլուր պանթեոնում. տեղեկացնում է Անադոլու գործակալությունը։

«Մենք խոստորեն դատապարտում ենք 1973թ. հունվարի 23-ին Լոս-Անջելեսում Թուրքիայի գլխավոր հյուպատոս Մոհմեթ Բայդարին և նրա տեղակալ Բահադիր Դեմիրին սպանած հայ ահաբեկիչ Գուրգեն Յանիկյանի մասունքների ամփոփումը Երևանում գտնվող զինվորական պանթեոնում»,- ասված է հայտարարության մեջ:

Թուրքիայի ԱԳՆ-ն Յանիկյանի հերոսացումը համարում է անընդունելի և դա որակում որպես հանցագործություն:

Հիշեցնենք, որ ծնունդով էրզրումցի Գուրգեն Յանիկյանն 1915-ի ողբերգական իրադարձությունների ականառեսն է եղել ողջ կյանքում չի մոռացել իր հարազատների սպանության տեսարանները  և պայքարել է Հայոց ցեղասպանության միջազգային ճանաչման ու  դատապարտման համար:

Յանիկյանն իր հուշերում գրել է, որ ի սկզբանե նպատակ չի ունեցել զենք գործածելու ու արյուն թափելու, սակայն, Հայոց Ցեղասպանության մասին աշխարհին իրազեկող տարբեր խաղաղ միջոցներ գործի դնելու անարդյունավետությունից հետո է անցել զինված պայքարի:

Նշենք նաև, որ Յանիկյանը մահացել է 78 տարեկան հասակում (1973թ.), ԱՄՆ-ում։ Նա Կալիֆորնիայում գնդակահարել էր Լոս Անջելեսում Թուրքիայի գլխավոր հյուպատոսին և նրա տեղակալին՝ դատապարտվելով  ցմահ բանտարկության: 8 տարվա բանտարկությունից հետո նրա փաստաբանները բողոքարկել են դատվճիռն  ու հասել Յանիկյանի ազատ արձակմանը: Վերջինս, սակայն, ազատության մեջ ընդամենը 2 ամիս ապրեց: