10 տարի առաջ գյուղապետի աթոռին հայտնված ու իր իսկ խոսքով՝ ստիպված ՀՀԿ մտած Բազում համայնքի ղեկավար Սրբուհի Հարությունյանն ասում է, որ նախկինում շատ է թուք ու մուր կերել հարազատ կուսակցությունից՝ ընտրություննե- րին քիչ ձայներ ապահովելու համար: Չի կոտրվել: Հեղափոխության օրերին թեև դրսում չի եղել, բայց ակտիվորեն հետևել է բոլոր իրադարձություններին ու չի խոչընդոտել բնակիչներին: 41 մլն դրամ բյուջե, պրոֆեսիոնալ աշխատակազմ ու պատրաստակամ ավագանի ունենք, աշխատում ենք համախմբված, նիստեր գումարում, որոշումներ ընդունում: «Փորձում ենք մեր ոտքը մեր վերմակով մեկնել: Երբեմն բավարարում է, երբեմն՝ ոչ»,-ասում է նա: Բայց այսօր էլ պատրաստ է թողնել աթոռն ու հանձնել կնիքը, եթե դա կամենա գյուղի ժողովուրդը, դա է իրական ժողովրդավարությունը, որովհետև իրեն ժողովուրդն է ընտրել:
ՊոստՖակտում. Բազում համայնքը խմելու ջուր չունի, հույսը նոր իշխանություններն են (տեսանյութ)
0 Մեկնաբանություն