Պահանջատեր համայնք, հաշվետու իշխանություն

ԶԲՈՍԱՇՐՋԱՅԻՆ ԲԻԶՆԵՍԻ ԶԱՐԳԱՑՄԱՆԸ ՉԵՆ ԿԱՐՈՂ ՆՊԱՍՏԵԼ ՀՆԱՑԱԾ ՈՒ ԱՆՊԻՏԱՆ ԵՆԹԱԿԱՌՈՒՑՎԱԾՔՆԵՐԸ

Հայաստանում զբոսաշրջությունը աճի բավականին բարձր տեմպեր է գրանցում։ Դինամիկ աճին մեծապես նպաստել է զբոսաշրջային ենթակառուցվածքների զարգացումը և Երևանից դուրս զբոսաշրջային կենտրոնների ստեղծումը: Ուշագրավ է, որ ոլորտը զարգացում է ապրում նաև քաղաքային բնակավայրերում: Օրեցօր բարձրանում է հյուրանոցային հանգրվանների, հյուրատների, հանրային սննդի կետերի ծառայությունների որակը:  

Հայաստանի բնության առավելությունները նպաստում են զբոսաշրջության ոչ ավանդական տեսակների զարգացմանը, այդ թվում՝ արկածային, էկո և ագրո զբոսաշրջության: Հանգստի նպատակով Հայաստան այցելողների  հիմնական խթանը Հայաստանի բնությունը և տեսարժան վայրերն են։ Զարգացման հետաքրքիր փուլեր է ապրում նաև ներքին զբոսաշրջությունը:

Լոռին և Չամիչը  200 հյուրատնային տնտեսություններից են, որոնք պատրաստակամություն հայտնեցին կիսվել մեզ հետ::

Երևանից ամուսիններ Դավիթն ու Լիլիթը երկար փնտրտուքներից հետո կանգ առան  այս Դեբետի այս տան վրա, որը հետագայում դարձավ կեցավայր բոլոր նրանց համար, ովքեր երկար ճանապարհից  հոգնած կանգ կառնեն այստեղ` գիշերակացի, սնվելու կամ պարզապես մեկ բաժակ թեյ վայելելու նպատակով:

Բոլոր հնարավոր միջոցները ներդրեցին և շարժվեցին առաջ,  ամեն քայլափոխի բախվելով խնդիրների:

Գյուղում հաջողելու գրավականը մոտիվացված լինելու և մոտիվացնելու մեջ է: Լիլիթն աշխատուժ ընտրել է տեղի կանանց, որոնք սպասարկման, հյուրատնային, զբոսաշրջության ոլորտներում աշխատելու փորձ, անգամ պատկերացումներ չեն ունեցել:

Զբոսաշրջությունը զարգացնելու համար գյուղն ահռելի ռեսուրսներ ունի,  որոնք չեն օգտագործվում, բայց կարողանում են հյուրերին զարմացնել ազգային, գյուղական ուտեստներով, որոնք պատրաստում են բացարձակապես տեղական թարմ և որակյալ մթերքից:

Վիճակագրության թվային պատկերը փաստում է, որ Լոռու մարզում վերջին 3 տարիներին զբոսաշրջությունը մեծ թափով զարգանում է:

Հյուրատնային տնտեսությունների սպասարկման որակի առումով ԼՄԱ Զարգացման ծրագրերի և վերլուծության բաժնի պետ Հասմիկ Մկրտչյանը նաև հավելեց` որպես պետական մարմին շահագրգիռ են, որ նմանատիպ տնտեսությունների մասնագետները վերապատրաստվեն`   ավելի լավ ծառայություններ մատուցելու համար:

Միջազգային կառույցների վերլուծությունների արդյունքում ծրագրերի առաջնահերթությունը տրվում է զբոսաշրջության զարգացմանը: Եվ Գերմանական զարգացման գործակալությունը և Եվրամիությունը այս մասով մեծաքանակ ծրագրեր են իրականացնում մարզում, որոնք  ուղղված են զբոսաշրջությանը  հարող ոլորտների զարգացմանը և լուծում են համայնքային ենթակառուցվածքների խնդիրներ:

Չնայած վերոնշյալ ծրագրերին, համայնքներում հյուրատնային տնտեսություններն ամեն օր բախվում են ենթակառուցվածքային խնդիրների` անանցանելի ճանապարհներից մինչև կոյուղու բացակայություն: 

Սույն նախագիծը ֆինանսավորվել է ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակներում: Այս տեսանյութում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ:

 

0 Մեկնաբանություն

Թողեք Ձեր մեկնաբանությունը

Ձեր մեկնաբանությունը կավելացվի մեր մոդերատորների հաստատումից հետո *